«ՀԱԼԷՊ» հայրենակցական բարեսիրական հասարակական կազմակերպութեան կեդրոնին մէջ մարդասիրական
օժանդակութիւն բաժնուած է Հայաստանի մէջ ապաստանած սուրիահայ կարիքաւոր ընտանիքներուն։
Վաթսուն սուրիահայ ընտանիքներու բաժնուեցան ծածկոցներ, կօշիկներ, գրենական պիտոյքներ
եւ մաքրութեան պարագաներ։
«ՀԱԼԷՊ» կազմակերպութիւնը ի վիճակի եղաւ կեանքի կոչելու վերոյիշեալ մարդասիրական օգնութիւնը՝
Մայր Աթոռ Սուրբ Էջմիածինի Ընկերային ծառայութեան շնորհիւ՝ ի դէմս տնօրէն Իսահակ վարդապետ
Պօղոսեանի:
Այս օգնութիւնը անգամ մը եւս ջերմութիւն հաղորդեց Մայր հայրենիքին մէջ ապաստանած սուրիահայ
կարիքաւոր ընտանիքներուն:
«ՀԱԼԷՊ» հայրենակցական բարեսիրական հասարակական կազմակերպութեան գործադիր մարմինը շնորհակալութիւն
յայտնած է Մայր Աթոռ Սուրբ Էջմիածինի ընկերային ծառայութեան՝ կազմակերպութեան գործունէութեան
ուշադրութիւն դարձնելուն եւ սուրիահայ կարիքաւոր ընտանիքներուն աջակցութիւն ցուցաբերելուն
համար:
All the contents on this site are copyrighted ©. |