Pirro Floqi : ZOTIT

T' falem Ty, o Ati jonë,

Qi né t' shkrett me ambelcim

Na perciell n'ket jetë, gjithmonë

Jé per t'gjith ndimë e ngushllim.

 

Kjosh bekue, o Ati i jonë,

Bekue kjofte émni qi ké; '

Epna sot e per gjithmonë

Bukën t' onë, po T' lut'na, né...

 

N’qiellë u bàftë, o Ati i jonë,

Si dishron, e permbi dhé.

 Kreatyr' t' gjitha e çdo pronë

Ti e krijove, n'dorë e ké.

 

Ti sundon, o Ati i jonë,

Gjithshka shofim, gjithshka prekim:

Qiella e toka kshtù na thonë.

Na ndimò n’ dorë e ké.

An e kand, o Ati i jonë,

U perhap't mbretnija e jote;

Zani i yt, porsi kumbonë,

Qét ushtoftë rrokull ksajë bote.

 

Na fal né, o Ati i jonë,

Per shkà T'fyejmë hìr e pa hìr,

Si ndiejm na fajtorin t' onë:

Ti jé Babë, jé i mirë, plot mshrir.

Pirro Floqi

 Lajmtari i Zemrës së Krishtit, Shkodër, Tetuer 1940