(Ռատիօ Վատիկան) Սուրբ Աթոռի մամլոյ գրասենեակի հրատարակած մէկ հաղորդագրութիւնը կը յայտնէ թէ` Երկուշաբթի, 16 մարտի առաւօտեան, Ֆրանչիսկոս Քահանայապետը ունկնդրութիւն շնորհեց ''Սան Մարինօ-ի'' հանրապետութեան կառավարիչներ` Տիար Ֆրանքօ Թէրէնցիի եւ Տիար Կուէրինօ Զանոթթիի, որոնք ապա հանդիպում ունեցան Վատիկանի Պետական Քարտուղար Կարդինալ Փարոլինին հետ ու անոր ընկերացող Պետութիւններու հետ յարաբերութիւններու քարտուղար` գերապայծառ Փոլ Կալլակէրի։
Սիրալիր խօսակցութիւններու ընթացքին գոհունակութիւն յայտնուեցաւ երկու պետութիւններու միջեւ տիրող լաւ կապերուն ի տես եւ ընդգծուեցաւ Եկեղեցւոյ եւ պետական իշխանութեան միջեւ գոյատեւող բարի համագործակցութիւնը։ Շեշտուեցան նաեւ Սուրբ Աթոռի եւ Սան Մարինոյի հանրապետութեան միջեւ պտղաբեր փոխ յարաբերութիւնները` միջազգային հասարակութեան շրջագիծէն ներս։
All the contents on this site are copyrighted ©. |