Ապաշխարութեան ու խոստովանանքի խորհուրդի մատակարարում Սուրբ Պետրոսի մէջ։

(Ռատիօ Վատիկան)  Տիրոջ համար 24 ժամ աղօթքի նախաձեռնութեան ծիրէն ներս որ տեղի կ՛ունենայ  13 եւ 14 Մարտին նախաձեռնութեամբ Նոր Աւետարանութիւն քահանայապետական խորհուրդին­, Ուրբաթ 13 Մարտի յետմիջօրէի ժամը 5-ին, տեղի կ՛ունենայ ապաշխարութեան խորհուրդի մատակարարում նախագահութեամբ ֆրանչիսկոս Քահանայապետին։ 

Յայտնենք թէ այս երկրորդ տարին է որ կը կազմակերպուի ''Տիրոջ համար 24 ժամ աղօթք'' ձեռնարկը որուն բնաբանն է` ''Աստուած որ հարուստ է գթութեամբ''. 

Ժամը 20էն սկսեալ Հռոմի կեդրոնի եկեղեցիները բաց պիտի մնան հանրութեան, ս. Հաղորդութեան երկրպագութեան ու խոստովանանքի խորհուրդի մատակարարման համար։ Մինչ Շաբաթ`14 Մարտին, կեդրոնի  եկեղեցիները  բաց պիտի մնան առաւօտեան ժամը 10-16։ Իսկ ժամը 5-ին նախատեսուած է ''երեկոյեան ժամասացութիւն'' որուն պիտի յաջորդէ գոհաբանական աղօթք։