Ֆրանչիսկոս Սրբազան Քահանայապետը նախագահեց ''Քամերլենկի'' երդման արարողութեան։

(Ռատիօ Վատիկան) Երկուշաբթի` 9 մարտ 2015-ի առաւօտեան ժամը 9,30-ին Ուրպանոս Ը քահանայապետի անուան սրահին մէջ, տեղի ունեցաւ միջ կրօնական երկխօսութեան քահանայապետական խորհուրդի նախագահ`  Կարդինալ Ժան Լու Թոռանի`  Հռոմի Սուրբ Եկեղեցւոյ ''քամերլենկ''ի պաշտօնի երդման արարողութիւնը։ Անուանում մը որ Կարդինալ Թոռանին շնորհուած էր անցեալ 20 դեկտեմբեր 2014-ին.

''Քամերելնկը'' այն կարդինալն է որուն յանձնուած է ''առաքելական սենեակի'' պատասխանատուութիւնը  այսինքն  ''թափուր աթոռի'' ընթացքին, ժամանակաւոր կերպով  մատակարարելու Սուրբ Աթոռի իրաւունքներն ու ինչքերը։ Սոյն պաշտօնը  կը հանդիսանայ այն հազուաթիւ պաշտօններէն մին, որ Քահանայապետի մահով չ՛ընդհատուիր։ 

Արդարեւ Քահանայապետի մահուան` ''Քամերլենկ'' կարդինալին կ՛իյնայ կնիքը դնել Քահանայապետի գրասենեակին եւ ննջասենեակին դռներուն վրայ մինչեւ նոր Քահանայապետի ընտրութիւնը։ Ան է որ կը հաղորդէ  Քահանայապետին մահուան լուրը ու յանձն կ՛առնէ վատիկանեան առաքելական պալատի,  Լատերանեան եւ Քասթել Կանտոլֆոյի պալատներուն պատասխանատուութիւնը։ Ան է որ կը սահմանէ քահանայապետի յուղարկաւորութեան կարգադրութիւնները։ Ան է որ կ՛որոշէ  երբ սկիզբ պիտի տրուի Պապընտիր պատրաստողական ժողովներուն եւ այդ ժողովներուն հայող բոլոր կարգադրութիւններուն ի մէջ այլոց կը նախագահէ Կարդինալներու երդման արարողութեան։ Անոր կ՛իյնայ ապա հսկել որ որեւէ օրէնք կամ կարգ չի խախտուի եւ Պապընտիր ժողովը օրինաւոր ընթացք մը ունենայ։