Հաղորդագրութիւն. Ֆրանչիսկոս Պապը ընդունեց Ազրպէյճանի Նախագահը։
(Ռատիօ Վատիկան) Սուրբ Աթոռի մամլոյ գրասենեակի հրատարակած մէկ հաղորդագրութիւնը նշեց թէ այսօր` (6 Մարտ 2015-ին), Ֆրանչիսկոս Սրբազան Քահանայապետը, առաքելական պալատին մէջ ընդունեց Ազրպէյճանի հանրապետութեան նախագահ` Տիար Իլհամ Ալիէւը ու անոր կողակիցը, որոնք ապա հանդիպում ունեցան Սուրբ Աթոռի Պետական Քարտուղար` Կարդինալ Փիէթրօ Փարոինին հետ, որուն կ՛ընկերանար Պետութիւններու հետ յարաբերութիւններու քարտուղար գերապայծառ Անթուան Քամիլլերին։
Սիրալիր խօսակցութիւններու ընթացքին գոհունակութիւն յայտնուեցաւ երկկողմանի յարաբերութիւններու զարգացումին ի տես յատուկէն անդրադառնալով երկրին կաթողիկէ համայնքի կեանքին եւ մշակութային ձեռնարկներուն, շեշտը դնելով` ժամանակակցին աշխարհի խաղաղութեան ի սպաս միջ կրօնական եւ միջ մշակութային երկխօսութեան կարեւորութեան վրայ։
Ակնարկուեցաւ ապա միջազգային եւ շրջանային հարցերու շուրջ ընդգծելով հակամարտութիւններու ծիրէն ներս բանակցութիւններու կարեւորութիւնը ինչպէս նաեւ դաստիարակութեան կարեւորութիւնը մշակելու համար խաղաղ համակեցութեան ի սպաս պայմաններ զանազան ազգերու եւ կրօնական խումբերու միջեւ։
| All the contents on this site are copyrighted ©. |