E diel më 22 shkurt,Kisha do të kremtojë të dielën e Parë të Kreshmëve,
kohës liturgjike që paraprijnë e përgatit shpirtërisht besimtarët për kremtimin e
Pashkëve të Jezu Krishtit Zot e Shpëtimtar. Gjithnjë më 22 shkurt sipas kalendarit
liturgjik bie festa e Katedrës së Shën Pjetrit Apostull, që tërheq vëmendjen e
mbarë botës katolike mbi figurën e Shën Pjetrit dhe misionin e tij të veçantë që i
besoi Krishti. Të hënën më 23 shkurt, kalendari kujton Shën Polikarpin,
ipeshkëv i Smirnës e martir dhe Shën Gjyzepinen Vanini, virgjër. Të martën
më 24 shkurt, kalendari kujton shën Sergjin e Cezaresë, Evecin e Pjetrin, martirë.
Të mërkurën më 25 shkurt, kalendari kujton Nestorin, ipeshkëv të Magjdosit
e martir.
Të enjten më 26 shkurt, kalendari kujton shën Aleksandërin
e Aleksandrisë e shën Faustinianin, ipeshkëv i Bolonjës.
Të premten më
27 shkurt, kalendari kujton shën Gabrielin e Zojës së Dhimbshme, rregulltar pasionist
, që na kujton se kush shpreson në Zotin, nuk mbetet kurrë i zhgënjyer.
Të
shtunën më 28 shkurt, kalendari kujton shën Osvaldin e shën Romanin.
Të
diele e ardhshme më 1 mars, Kisha do të kremtojë të dielën e dytë të Krezhmëve.
Liturgji e së dielës na kujton domethënien e thirrjes së Hyjit Atë mbi malin e
shndërrimit për ta dëgjuar zërin e të Birit të Tij të dashur, Jezu Krishtit. Dëgjimi
i zërit të Zotit, në lutje, është fryt feje e besimi. Në udhëton drejtë Pashkëve,
Krishti Ngjallur i dëftohet atij njeriu që e kërkon me zemër të sinqertë Gjithnjë
më 1 mars, kalendari përkujton shën Feliçin, papë dhe shën Albinin, ipeshkëv
i Anzhé.