Ս. Երկրի Պէյթ Ժալալի մէջ հիմնաքարը զետեղուեցաւ ‘’ֆրանչիսկոս Քահանայապետ’’ կոչուած
երիտասարդական կեդրոնին։
(Ռատիօ Վատիկան) Երուսաղէմի Լատիններու Պատրիարքը` գերերջանիկ Ֆուատ Թուալ,
17 փետրուարին, օրհնեց ‘’ֆրանչիսկոս Քահանայապետ’’ երիտասարդական կեդրոնին հիմնաքարը։
Կեդրոնը կը գտնուի Պէյթ Ժալալ` Բեթղեհէմէն երկու քմ հեռաւորութեան վրայ։ Ծրագիրին նպատակն
է ի մի ժողովել տեղացի ու դուրսէն եկած երիտասարդները։ Կեդրոնը պիտի ունենայ 56 սենեակներ
ուխտաւոր երիտասարդներուն համար։ Այս կառոյցը աշխատանքի աղբիւր պիտի դառնայ Պէյթ Ժալալի
քրիստոնեայ երիտասարդներուն։ Շինարարութիւնը պիտի աւարտի 2015-ին վերջաւորութեան։