Papa Rojes Bregdetare: ju admiroj, edhe pse ka nga ata, që ju akuzojnë
Dje, në orën 19.00, Papa u takua, në Shtëpinë e Shën Martës, me një delegacion të
Rojes Bregdetare italiane, që i solli dëshmi të shërbimit në det gjatë operacioneve
të vështira në ndihmë të refugjatëve dhe emigrantëve. Pasi dëgjoi përvojën e tyre
konkrete, prekëse, emocionuese, u shprehu pjesëmarrjen e vlerësimin për shërbimin
e kryer me guxim e përkushtim, në ndihmë të më të varfërve. Takimi zgjati 45 minuta. Ndërkaq,
në qendrën e strehimit të parë në Lampeduzë, me kapacitet prej 400 vendesh, strehohen
më se njëmijë vetë. “Prania e terroristëve të Shtetit të vetëshpallur Islamik në brigjet
libike, nuk mund ta ndalojë mikpritjen tonë për ata që ikin”, shpjegoi kryetari i
Bashkisë i Lampeduzës.