Օգոստոսին Անկոլայի մէջ պիտի տօնախմբուի կաթողիկէ երիտասարդութեան առաջին օրը։
(Ռատիօ Վատիկան) Անկոլայի եկեղեցին յառաջիկայ օգոստոսին պիտի նշէ երիտասարդութեան
ազգային օրը։ Տօնախմբութիւնը տեղի պիտի ունենայ Հուամբօ մարզին մէջ, 26-30 օգոստոս 2015`
‘’Երիտասարդներ եղէք վկաները Քրիստոսի սիրոյն’’, բնաբանով։ Լուրը կը հաղորդէ հայր Բինհօ`
երիտասարդութեան հովութեան խնամակալութեան պատասխանատուն։ Հայր Բինհոն նախաձեռնութիւնը որակեց որպէս բարեպատեհութիւն մը լաւագոյնս ապրելու երիտասարդութեան համաշխարհային օրուան փորձառութիւնը տեղական գետնի վրայ։ Այս նախաձեռնութեամբ Անկոլայի եկեղեցին կը նպատակադրէ հրաւիրել ամէն քրիստոնեայ երիտասարդ` ապրելու Քրիստոսի սէրը եւ շնորհիւ այդ սիրոյն կարելի դարձնել ընկերութեան բարւոքումը։ Նախաձեռնութիւնը նոյնպէս կը նպատակադրէ երկխօսութիւն հաստատել եկեղեցւոյ ու երիտասարդներու միջեւ ինչպէս նաեւ երիտասարդներու միջեւ։
| All the contents on this site are copyrighted ©. |