Kardinali Lacroix: Kuria Romake nuk duhet të jetë doganë, por shërbim ndaj misionit
të Kishës
Reforma e Kuries Romake, tha dje Papa Françesku duke hapur Koncistorin, duhet të jetë
burim i një harmonie gjithnjë më të madhe në punën e dikastereve dhe të zyrave të
ndryshme, për të realizuar, kështu, një bashkëpunim më të frytshëm në transparencën
absolute, që krijon sinodalitetin dhe kolegjialitetin e vërtetë. Reforma nuk është
qëllim në vetvete. Është mjet, për të dhënë një dëshmi të fortë të krishterë; për
të favorizuar një ungjillëzim më të suksesshëm; për të promovuar një shpirt më të
frytshëm ekumenik: për të inkurajuar një dialog më konstruktiv me të gjithë”. Për
reformën e Kuries, të dëgjojmë kardinalin Gérald Cyprien Lacroix, kryeipeshkëv
i Québec, në Kanada, në mikrofonin tonë:
Përgjigje:
-Dans les congrégations, avant le Conclave... Në Kongregacionet, para
Konklavit, ndjehej një dëshirë e madhe për reformë. Papa po i përgjigjet kësaj dëshire.
E kardinajtë shikojnë sesi Ati i Shenjtë e ka marrë seriozisht parasysh këtë kërkesë
e po punon me Këshillin e nëntë kardinajve, por edhe në mënyrë më të zgjeruar. Po
këshillohet me shumë krerë dikasteresh, që i japin mendimin e tyre, e edhe me njerëz
të tjerë.
Pyetje: - Cili duhet të jetë identiteti i Kuries Romake?
Përgjigje:
- Une identité de service. D’abord, service au Saint-Père
Identitet shërbimi.
Mbi të gjitha, duhet të jetë në shërbim të Atit të Shenjtë për ta ndihmuar në misionin
e tij. Por edhe në shërbim të misionit të Kishës universale e të Kishave vendase.
Papa mendon se të hysh në Kurien Romake nuk do të thotë se je aty për të kryer një
shërbim dogane. Identiteti i Kuries duhet të jetë ta ndihmojë Kishën për të realizuar
misionin e saj.
Pyetje: - Nga kjo reformë lindin pyetje, entuziazëm
e ndoshta, edhe shqetësime. Ç’ atmosferë ndjehet ndërmjet kardinajve?
Përgjigje:
-Je n’ai rien perçu comme inquiétude … Nuk perceptoj kurrfarë shqetësimi.
Por nuk duhet as ta fshehim kokën nën rërë. Çdo reformë shkakton një farë shqetësimi;
nganjëherë, madje edhe frikë. Kjo nuk duhet të na çudisë, sepse ndodhemi para një
sfide të madhe! Jemi të gjithë katolikë, por vijmë nga të katër anët e botës, me kultura,
gjuhë e tradita të ndryshme. E gjithë kjo na pasuron. Pa harruar edhe se jemi përfaqësues
të breznive të ndryshme e të shkollave të ndryshme të mendimit. Të mbledhësh gjithë
këtë masë njerëzish e të punosh me ta për këtë reformë, që dëshiron Papa e Kisha,
duhet parë si diçka shumë kërkuese; gjithsesi, ndryshimi është i nevojshëm! Kjo na
u tha krejt qartë e do të punojmë së bashku për ta realizuar.
Pyetje: -
Cila është përparësi për sot?
Përgjigje: -Je sens très fort que
le Saint-Père veut que … E ndjej fort faktin se Papa dëshiron të bëhemi përsëri
të besueshëm. Ai ngulmon shumë mbi dëshminë: kërkon një dëshmi me të vërtertë të krishterë.
Jo vetëm për ata, që punojnë në këtë fushë, nga pak në të katër anët e botës, por
kryesisht për Kurien, për njerëzit, që punojnë këtu, për bashkëpunëtorët më të afërt
të Atit të Shenjtë, që duhet, edhe ata, të japin dëshmi të jetës së krishterë. Papa
e ka thënë shumë herë këtë. Duhet mundur karrierizmi, etja për pushtet. E Papa dëshiron
absolutisht që të mos vihet në rend të parë organizimi, por misioni. Atëherë është
shumë e rëndësishme, në këtë reformë, që të jemi më shumë dishepuj misionarë, siç
e thekson shpesh Papa e siç e lexojmë edhe në Nxitjen Apostolike Evangelii gaudium.
Pyetje:
- Në këtë nxitje Papa kërkon decentralizim të frytshëm..
Përgjigje:
- Oui, évidemment. C’est un travail que le Concile Vatican II
… Po. Sigurisht. Kjo punë ka nisur që me Koncilin II të Vatikanit, 50 vjet
më parë. Por e dimë edhe se reforma ka nevojë për kohë. Kthesa do kohë. E duhet të
vijojë në këtë drejtim. Më duket se kjo, që po jetojmë me Papën Françesku, do të jetë,
më në fund, rezultat i punës së madhe të Koncilit II të Vatikanit. Është e qartë se
kemi bërë shumë hapa përpara, shumë. Por tani duhet bërë një hap vigan, me dobi të
madhe.