Koncistori. Françesku: reforma e Kuries, për të fuqizuar dëshminë e krishterë
"Reforma e Kuries nuk është thjesht qëllim në vetvete, por mjet që ndihmon për të
dhënë një dëshmi të fortë të krishterë.” Këtë pohoi Papa Françesku, duke hapur, në
Sallën e Re të Sinodit, Koncistorin kushtuar zhvillimit të punimeve të grupit C9 të
kardinajve për hartimin e Kushteutës së Re Apostolike. Papa e falënderoi Komisionin
e nëntë kardinajve për punën e bërë e, posaçërisht, koordinatorin, kardinalin Oscar
Rodriguez Maradiaga dhe sekretarin e organizmit, imzot Marcello Semeraro. Nga
ana e kardinajve, Papën e përshëndeti Kardinali Dekan, Angelo Sodano.
“Sa gjë
e bukur dhe e ëmbël për vëllezërit të jetojnë së bashku”. Papa Françesku e hapi koncistorin
me fjalët e Psalmit 133, për të vënë theksin mbi frymën e bashkimit e të kolegjialitetit
e menjëherë pas, u drejtoi përshëndetjen e tij të përzemërt 20 kardinajve të rinj,
që do ta marrin kësulën kardinalore të shtunën e ardhshme. Reformimi i Kuries
me transparencë abosulute Duke kujtuar, kështu, temën e Koncistorit, Papa vuri
në dukje se Kolegjit kardinalor po i paraqitet përmbledhja e punës së bërë lidhur
me “hartimin e Kushtetutës së re apostolike për reformën e Kuries”, tekst, për hartimin
e të cilit u patën parasysh këshillat e shumta nga ana e krerëve dhe e përgjegjësve
të dikastereve, ashtu si edhe të specialistëve në këtë fushë: “Caku, që duhet arritur
është përherë krijimi i një harmonie gjithnjë më të madhe në punën e dikastereve dhe
të zyrave të ndryshme, që të realizojmë, kështu, një bashkëpunim më të frytshëm në
transparencën absolute, që krijon sinodalitetin dhe kolegjialitetin e vërtetë. Reforma
nuk është qëllim në vetvete. Është mjet, për të dhënë një dëshmi të fortë të krishterë;
për të favorizuar një ungjillëzim më të suksesshëm; për të promovuar një shpirt më
të frytshëm ekumenik: për të inkurajuar një dialog më konstruktiv me të gjithë”. Duhet
kohë e bashkëpunim i të gjithëve për një reformë të vërtetë “Reforma, e dëshiruar
fuqimisht nga shumica e kardinajve gjatë Kongregacioneve të përgjithshme para Konklavit,
kujtoi Papa, duhet ta përsosë edhe më shumë identitetin e Kuries Romake. Identitet
që kërkon kryesisht “ndihmesën e Pasardhësit të Shën Pjetrit në ushtrimin e misionit
të lartë baritor, për të mirën dhe shërbimin e Kishës universale e të Kishave të veçanta”. “Ushtrim,
ky, me të cilin forcohet uniteti i fesë, bashkimi i popullit të Hyjit dhe promovohet
misioni i Kishës në botë. Natyrisht ta arrish këtë cak nuk është e lehtë: duhet kohë,
vendosmëri e, sidomos, bashkëpunim i të gjithëve. Por për ta realizuar tërë këtë,
para së gjithash, duhet t’ia besojmë Shpirtit Shenjt, prijës i vërtetë i Kishës, duke
i lypur në lutje, dhuratën e gjykimit të vërtetë”. Me këtë formë bashkëpunimi,
përfundoi Françesku, nis sot takimi, që do të jetë i frytshëm, falë kontributit që
secili nga ne mund të sjellë me parresia, domethënë, me shprehjen e lirë të mendimeve
të veta, me benikëri ndaj Papës e vetëdije se e gjithë kjo është në shërbim të ligjit
më të lartë: “Shpëtimit të shpirtrave”.
Në hapje të Koncistorit Papën e përshëndeti
dekani i Kolegjit Kardinalor, kardinali Angelo Sodano. Në këtë orë të rëndësishme,
në të cilën reflektohet posaçërisht për reformën e Kuries, dëshirojmë të japim gjithë
ndihmesën tonë, tha dekani i Kolegjit Kardinalor. Citoi, më pas, gjerësisht, nenin
e 349-të të Kodit të së Drejtës Kanonike, që përshkruan detyrat e kardinajve këshilltarë
të Papës, si individë e si Kolegj. Kardinali Sodano kujtoi edhe se në hapjen e
Koncistorit duhet të ishin të pranishëm 228 vetë, ndërsa, sipas të dhënave elektronike,
në sallë ishin 165.