Քահանայապետի խորհրդատու կարդինալներու ութերորդ ժողովը։

(Ռատիօ Վատիկան) 9 – 11 փետրուար 2015-ին, Վատիկաի մէջ տեղի կ՛ունենայ, քահանայապետին խորհրդատու 9 կարդինալներու ութերորդ ժողովը։
Խորհուրդը հաստատուած է 2013-ի 28 սեպտեմբերին, Ֆրանչիսկոս Սրբազան Քահանայապետի ձեռագիր նամակով` հայող '' Pastor bonus - Բարի Հովիւ'' Առաքելական Սահմանադրութեան վերատեսութեան։

Խորհուրդի ինը անդամները Քահանայապետին անմիջական խորհակիցներն են Եկեղեցւոյ կառավարման Անոր յանձնուած պարտականութեան մէջ։
Երեք օր տեւող ժողովներու ընթացքին, ինը կարդինալներէ բաղկացած վերոյիշեալ խորհուրդը, Ֆրանչիսկոս Պապին հետ միասին, կը քննարկեն Հռոմի Քուրիայի եւ Վատիկանի զանազան իշխանութիւններու ու ժողովներու հայող նիւթեր։
Յայտնենք որ կարդինալական խորհուրդը իր նախորդ նիստերը գումարած էր` 1-3 հոկտեմբեր 2013, 3-5 դեկտեմբեր 2013, 17-19 փետրուար 2014, 27-30 ապրիլ 2014, 1-4 յուլիս 2014, 15-17 սեպտեմբեր 2014 եւ 9-11 դեկտեմբեր 2014։