Ազհար կոչ կ’ուղղէ ՏԱՀԵՇ-ի անդամները սպաննելու, խաչելու եւ անոնց ձեռքերն ու ոտքերը
կտրելու
Ազհարի շէյխ Ահմետ Թայեպ բուռն կերպով դատապարտեց «սատանայական» ՏԱՀԵՇ-ի ահաբեկիչներուն
յորդանանցի օդաչուն հրկիզելով գործած «ստոր» արարքը եւ նշեց, որ իսլամութիւնը կ’արգիլէ
անմեղ մարդիկ սպաննել կամ հրկիզել նոյնիսկ նախայարձակ թշնամին` աւելցնելով, որ այդ մէկը
ստոր արարք մըն է, որմէ անմասն են բոլոր կրօնները: Ան ըսաւ, որ ՏԱՀԵՇ-ականները իրենց
գործած այդ արարքին համար արժանի են Քորանի մէջ «Աստուծոյ կամ անոր մարգարէին դէմ կռուողներուն»
առնչութեամբ նշուած պատիժին` անոնք պէտք է սպաննուին, խաչուին, կամ անոնց ձեռքերն ու
ոտքերը կտրուին: Ազհարի շէյխը միջազգային ընտանիքին կոչ ուղղեց դիմակայելու «այս ահաբեկչական
խմբաւորումը, որ կը գործէ բարբարոսներու վայրագ այս արարքները, որոնք Աստուծոյ եւ անոր
մարգարէին կողմէ մերժուած են»: Ազհարի շէյխը իր ցաւակցութիւնները յայտնեց Յորդանանի
Ապտալլա Բ. թագաւորին ու Յորդանանի ժողովուրդին: