Festa e Dom Boskos në Prishtinë në 200 vjetorin e lindjes
Si kudo në botën e krishterë, edhe në Kosovë, Bashkësia Saleziane kremtoi festën e
themeluesit të tyre, Shën Gjon Bosko, në kuadër të jubileut rrezatues, 200 vjetorit
të lindjes këtij shenjti të jashtëzakonshëm. Me atmosfere të mrekullueshme kanë kremtuar
edhe nxënës e mësimdhënës të Qendrës Edukative Sociale me programe të ndryshme artistike
që nga fëmijët e ciklit të ulët, e deri të më i larti, të cilët ditë më pare kanë
zhvilluar edhe tryeza me tema të ndryshme dhe gara të tjera. Në programin e shkollës
kanë marrë pjesë prindërit e nxënësve, struktura të ndryshme qeveritare e komunale
dhe përfaqësues të Amabsadës Italinae në Kosovë. Dom Izidor Llukiq, drejtor i
Qendrës Dom Bosko duke ju drejtuar numrit të madh të pjesëmarrësve në Sallën e Sporteve
tha: ‘Ne Salezianet së bashku me laikët dhe bashkëpunëtorët, jemi një skuadër e koordinuar
mirë, e të jesh një skuadër e mirë është një vendim, një kompaktësi, jo unë ose ti
por neve, ky është sekreti i harmonisë së jetës. Dom Bosko i ka dhënë jetë një skuadre,
e që të jesh një skuadër duhet ta kemi të qartë një pikarritje që askush i vetëm
nuk mund ta arrijë. Ne jemi një skuadër që punojmë bashkë, që po jep rezultate të
mira. E, ky frymëzim e kjo punë në qendrën tone po hetohet çdo ditë, na bënë më të
mire dhe më të forte, të përgjegjshëm dhe na jep shpresë për të punuar edhe më shumë
në të ardhmen, për të mirën e të rinjve tanë’, tha Dom Izidori duke vlerësuar se raportet
e mira në familje, disiplina, rregulli dhe respekti i ndërsjellë pamarr parasysh përkatësitë
fetare apo etnike dhe përkushtimi i çdo anëtari të Dom Boskos është çelësi i suksesit
tone. E kremtja ka kulmuar të premten mbrëma, me meshën solemne të celebruar
nga Imzot Zef Gashi, arqipeshkëv i Tivarit, në bashkëmeshim me Imzot Dodë Gjergjin
dhe një numër meshtarësh. Pasi foli gjatë për jetën dhe veprën e Shën Gjon Boskos,
Imzot Gashi theksoi se, kjo është një ditë e madhe në rend të pare për Salezianët
e për bijtë e bijat shpirtërore të këtij Shenjti, i cili la gjurmë jo vetëm në kishë,
por edhe me strategjinë e tij edukative. ‘Don Bosko, i deshi me shpirt fëmijët dhe
të rinjtë, dhe si moto e tij ishte: ‘Mjafton të jeni të rinj dhe unë t’ju dua’’, tha
imzot Gashi duke shtuar se metodologjia Ungjillore që ai e zbatoi ishte shoqërimi
e afërsia me fëmijë e të rinj duke u bërë urëlidhës me familjet e tyre për ti sjell
ata më afër Zotit e kishës, përfshirë edhe shkollimin, arsimimin dhe qytetërimin e
tyre. ’Jeta e tij me Zotin ishte themeli dhe materiali ndërtues i terë Apostollatit
të tij të mrekullueshëm gjatë kohës sa jetoi, por mbi te gjitha Shën Gjon Bosko ishte
dëshmitar autentik i Krishtit, e dhashtë Zoti që ndërmjetësimi i tij të na ndihmojë
të gjithëve, tha veç tjerash Imzot Zef Gashi, duke i përgëzuar Selezianet në Kosovë
për Festën e tyre të madhe të Shën Gjon Boskos. E kujtojmë se festa e Dom Boskos
është kremtuar edhe në qytetin e Gjilanit.