Dy fjalë për jetëshkrimin e kardinajve të rinj: Imzot Arlindo Gomes Furtado
Imzot Arlindo Gomes Furtado,ipeshkëvi Santiago de Cabo Verde (Arkipelagu
i Kepit të Gjelbër), lindi më 15 nëntor 1949 në Santa Catarina, në dioqezën e Santiagos,
në Kepin e Gjelbër. Studioi në atdhe e në Romë, në Biblicum, ku mori diplomën në Shkrimin
Shenjt. U shugurua meshtar më 18 korrik 1976. Pas shugurimit meshtarak kreu
shërbesën e Mëkëmbësit famullitar (1976-1978), të Kancelarit dhe Ekonomit dioqezan
(1978-1984) e, më pas, atë të Kapelanit të banorëve të Kepit të Gjelbër në Vendet
e Ulëta (1985-1986). Nga viti 1986 deri më 1990 thelloi, në Romë, studimet e Shkrimit
Shenjt. U rikthye në atdhe, ku nisi punën si Profesor (1990-1996); Mëkëmbës i Përgjithshëm
e më pas, Famullitar (nga 1996, deri më 2003). Më 9 dhjetor 2003 Papa Gjon Pali
II e emëroi Ipeshkëv, i pari në dioqezën e sapo themeluar të Mindelos. Më 22 korrik
2009, Papa Benedikti XVI e emëroi Ipeshkëv të Santiagos të Kepit të Gjelbër.