Папа адзначыць 50-годдзе інаўгурацыі літургічных нормаў ІІ Ватыканскага Сабора
7 сакавіка 2015 г.
папа Францішак узначаліць Эўхарыстыю з нагоды 50-годдзя першай цэлебрацыі св. Імшы
паводле зацверджаных ІІ Ватыканскім Саборам новых літургічных нормаў. Літургія пройдзе
ў рымскім касцёле Усіх Святых на вуліцы Апія Нова – тым самым, дзе ў 1965 г. Павел
VI цэлебраваў першую св. Імшу па-італьянску. У сваёй гаміліі, тагачасны Папа падкрэсліваў,
што ён дае пачатак новай форме літургіі, якая будзе здзейсняцца ва ўсіх парафіях і
касцёлах свету і якая павінна спрыяць вялікаму дыялогу паміж Богам і чалавекам. Першая
св. Імша па-беларуску праходзіла таксама ў 1965 г. Магчымасць выкарыстання беларускай
мовы для эўхарыстычнай цэлебрацыі была зацверджана спецыяльным дэкрэтам саборнай камісіі
па рэалізацыі літургічнай рэформы ад 9 чэрвеня 1965 г. дзякуючы ініцыятыве беларускай
каталіцкай дыяспары і Апостальскага візітатара для католікаў візантыйскага абраду
з СССР у эміграцыі, Слугі Божага біскупа Баляслава Слосканса.