Папа Францішак падзяляе
боль сем’яў ахвяр выбуху, які прывёў да разбурэння радзільнага дому ў заходняй частцы
Мехіка. У выніку трагедыі, якая мела месца 29 студзеня 2015 г. страцілі жыццё двое
дзяцей і медсястра. Каля 70 чалавек, з якіх больш за 20 дзеці, атрымалі раненні. Пантыфік,
праз кардынала Дзяржсакратара Пьетра Параліна, скіраваў спачувальную тэлеграму на
імя мясцовага арцыбіскупа, кардынала Нарберта Рывера Карэра, а ў сваім твіт-паведамленні
заклікаў вернікаў ва ўсім свеце маціцца аб спакоі і сіле для ахвяраў здарэння і іх
сем’яў.
Паводле папярэдніх дадзеных, прычынай выбуху стала няспраўнасць шлангу
грузавіка, які пастаўляў газ у медыцынскую ўстанову.