Françesku kujton ekumenizmin e gjakut në Bazilikën e Shën Palit jashtë Mureve
Të ndalemi e të dëgjojmë. Kjo është udha e Papës Françesku për bashkimin e plotë të
të krishterëve. Ati i Shenjtë e përsëriti gjatë mbrëmësoreve të kremtuara dje në Bazilikën
e Shën Palit jashtë mureve të Romës. Papa mbylli kështu Javën e lutjes për Bashkimin
e të Krishterëve, së bashku me përfaqësues të Kishave e të bashkësive të tjera të
krishtera, që u lutën me të para varrit të Shën Palit Apostull.
Të lihen
mënjanë polemikat Ati i Shenjtë vuri në dukje se shumë probleme të trashëguara
nga e kaluara, mund të kapërcehen, duke lënë mënjanë polemikat e duke u përpjekur
që, së bashku, të gjithë të krishterët ta kuptojnë mirë çfarë i bashkon. Kjo s’mund
të jetë tjetër, veçse thirrja për të marrë pjesë në misterin e dashurisë që Ati Qiellor
ua zbuloi njerëzve në Birin e tij, përmes Shpirtit Shenjt, nënvizoi Papa Françesku: “Bashkimi
i të krishterëve nuk do të jetë fryt i diskutimeve të holla teorike, në të cilat secili
do të përpiqet ta bindë tjetrin për vërtetësinë e opinioneve të veta. Do të vijë Biri
i Njeriut e do të na gjejë duke diskutuar akoma. Duhet ta kuptojmë se për të arritur
në thellësitë e misterit të Zotit, kemi nevojë për njëri-tjetrin, për t’u takuar e
konfrontuar nën udhëheqjen e Shpirtit Shenjt, që harmonizon ndryshimet e tejkalon
konfliktet”.
T’u japim të pijnë njerëzve të lodhur e të etur Papa
kujtoi pjesën ungjillore ku Jezusi, në udhëtim nga Judea drejt Galilesë, i kërkoi
ujë samaritanes. Ajo etje nuk ishte vetëm fizike, por edhe dëshirë për takim, në mënyrë
që t’i jepte asaj gruaje një mundësi për ta ndryshuar shpirtin. Edhe sot, theksoi
Ati i Shenjtë, ka shumë burra e gra, që presin nga ne të krishterët të ndalemi me
ta, për ta shuar së bashku etjen: “Në thirrjen për të qenë ungjillëzues, të gjitha
Kishat e bashkësitë kishtare gjejnë kuadrin thelbësor për një bashkëpunim më të ngushtë.
Për ta kryer si duhet këtë detyrë, nuk duhet të mbyllemi në veçoritë e eksluzivizmat
personale, por edhe të mos imponojmë uniformitetin, sipas planeve thjesht njerëzore”.
Ekumenizmi
i gjakut Për atë Ungjill, të cilit i shërbejmë të gjithë, nënvizoi Papa, shumë
të krishterë persekutohen e vriten. “Ky është ekumenizmi i gjakut”, tha Ati i Shenjtë.
Të krishterët janë të bashkuar në persekutim, por uniteti nuk duhet kërkuar vetëm
nga bashkësitë, që ndodhen në këtë gjendje të vështirë. Duhet shkëmbyer përvoja e
duhet njohur tradita e të tjerëve, theksoi Papa, pasi kjo mund të jetë e dobishme
për jetën fetare të çdo kishe e të çdo bashkësie.
Përshëndetja e kardinalit
Koch Në përshëndetjen e tij, kardinali Kurt Koh, kryetar i Këshillit Papnor
për Nxitjen e Bashkimit ndërmjet të Krishterëve, në përkim me fjalët e Papës Françesku,
pohoi se “uji i pagëzimit bëhet për ne burim, që rrjedh drejt vëllezërve, në mënyrë
që edhe ata ta shuajnë etjen. Kjo përvojë e bën të nevojshme dëshminë e përbashkët
të gjithë të krishterëve në botën e sotme, kaq të mbushur me egoizëm e lakmi, me konflikte
e urrejtje, me dhunë e agresion”.