Երէկ կէս գիշերէն ետք Սէուտական Արաբիոյ Ապտալլա Պըն Ապտել Ազիզ թագաւորը կնքեց իր մահկանացուն`
91 տարեկանին: Սէուտական Արաբիոյ պատկերասփիւռի կայանները ընդհատեցին իրենց յայտագիրները
եւ սկսան սփռել քորանէն հատուածներ: Ապտալլա թագաւորին մահուան յայտարարութենէն անմիջապէս
ետք Սէուտական Արաբիոյ թագաւոր նշանակուեցաւ Սալման պըն Ապտել Ազիզ իշխանը, իսկ գահաժառանգ`
Մուքրեն Պըն Ապտել Ազիզ իշխանը: Նոր` 7-րդ թագաւորը 79 տարեկան է: 2012 թուականէն ի վեր
ան երկրի պաշտպանութեան նախարարն էր, մինչ այդ եղած է Air-Riad մայրաքաղաքային նահանգի
նահանգապետը: