Арцыбіскуп Кандрусевіч: адказу аб прычынах канфлікту ва Украіне трэба шукаць у Евангеллі
Падчас свайго візіту
ў Санкт-Пецярбург, які адбыўся на мінулым тыдні, арцыбіскуп Тадэвуш Кандрусевіч, Мітрапаліт
Мінска-Магілёўскі, як ніколі, адчуў боль, які перажываюць простыя людзі трох славянскіх
краін з-за ваеннага канфлікта ва Украіне. У гэтым іерарх прызнаўся Беларускай рэдакцыі
Ватыканскага радыё. Ён служыць у Мінску, нядаўна здейсніў паездку ў Львоў, а зараз
пабываў у паўночнай сталіцы Расіі. Ці змянілася самасвядомасць народаў па прычыне
падзей, якія адбываюцца ў суседзяў, іерарх судзіць не можа, але адназначна ўсюды,
нягледзячы на дзяржаўную і канфесійную прыналежнасць, суперажываюць і моляцца за скорае
і мірнае вырашэнне канфлікту.
“У Беларусі занепакоены гэтай сітуацыяй. Сказаць,
што ў Расіі і ва Украіне не занепакоены, нельга. Трэба падкрэсліць тое, што Каталіцкі
Касцёл у Расіі, Украіне, Беларусі, а таксама Праваслаўная Царква, як і іншыя выравызнанні,
моляцца аб хутчэйшым вырашэнні гэтай праблемы. Каталіцкі Касцёл таксама ўдзельнічае
ў розных ініцыятывах па гуманітарнай дапамозе бежанцам, якіх у Беларусь прыехала,
па розных дадзеных, ад 25 тыс. да 40 тыс. чалавек. Таксама нельга не заўважыць тую
выключную ролю, якую адыгрывае Мінск ва ўрэгуляванні гэтага канфлікта”, - нагадаў
беларускі іерарх.
Але ж як раз у апошнія дні, нягледзячы на намаганні міжнароднай
супольнасці, сітуацыя на Данбасе зноў заметна абвастрылася: зноў гучаць залпы гармат,
зноў гінуць мірныя людзі. Арцыбіскуп Тадэвуш Кандрусевіч выказаў думку, што шукаць
адказы на пытанні трэба ў Евангеллі, і нагадаў пра трагедыю города, які ён наведаў,
– ленінградскую блакаду. Напэўна не адзін сёння задае сабе фундаментальнае пытанне,
адзначыў беларускі іерарх: “Божа, дзе Ты быў, калі тут была блакада, калі загінула
700 тыс. чалавек?”. Але я шукаў адказы ў Евангеллі. І маім адказам былі наступныя
словы. Бог кажа нам: “Я быў на сваім месцы, але дзе быў ты, чалавек? Я табе даў напрамкі
жыцця, Я табе даў Евангелле, Я табе даў Закон, паводле якога ты можаш жыць, але, калі
ты парушаеш правіла гэтага руху, гэта вядзе да катастрофы”. І гэта прывяло да катастрофы,
у тым ліку ва Украіне. Людзі забыліся, што яны адзін аднаму – браты і сёстры. І таму
так цяжка зразумець, што адбываецца ў краіне, якая была ахрышчана больш за тысячу
гадоў таму, з якой пачаўся Хрост Русі”, - заўважыў іерарх.
Арцыбіскуп Кандрусевіч
яшчэ раз падкрэсліў важнасць малітвы ў інтэнцыі мірнага вырашэння гэтага братазабойчага
канфлікту.