Java e lutjes për bashkimin e të krishterëve. Imzot Avgustini: vlera dhe nismat
Filloi dje Java e lutjes për bashkimin e të krishterëve. Tema, fjalët e Zotit drejtuar
Samaritanes, që mbushte ujë në pus: “E Jezusi i tha: ‘Më jep të pi”(Gjn 4,7). Jemi
para një gruaje, e cila bëhet ikonë e dashurisë, duke shembur çdo mur, që ndan njerëzit
e konfesionet, etnitë e kulturat. E njëkohësisht edhe paradigmë e mëshirës. Zoti arrin
ta shndërrojë në dishepulle e misionare deri një grua, që kishte pasur pesë burra.00:07:53:16 Më jep pak ujë të pi! Kam etje! Është një nga kërkesat jetike të çdo qenieje njerëzore.
Hyji, që bëhet njeri në Krishtin, është i aftë t’i kërkojë samaritanes një pikë ujë,
pranë pusit të Jakobit. Zoti, që kërkon të pijë ujë si njeri, i ofron njeriut ujin
e gjallë, gurrën për jetën e amshuar. Java e lutjes për bashkimin e plotë të të
krishterëve është rast i veçantë për lutje, takim, dialog. Rast për të njohur pasuritë
dhe vlerat e të tjerëve, atyre, që ndryshojnë nga ne, e për t’i kërkuar Zotit, me
gjithë zemër, në lutje, dhuratën e bashkimit. Materialin ndihmës e përgatiti
grupi i punës, zgjedhur nga Këshilli kombëtar i Kishave të krishtera të Brazilit
(Copnic). Materiali, më pas, u rishkua nga Komisioni ndërkombëtar, emëruar nga Komisioni
Fe e kushtetutë i Këshillit ekumenik të Kishave dhe nga Këshilli Papnor për nxitjen
e bashkimit të të krishterëve.
Java e lutjes do të përfundojë me kremtimin
e mbrëmësores, të dielë, më 25 janar në Festën e Kthimit të Shën Palit Apostull,
pranë Bazilikës së Shën Palit jashtë Mureve të Romës, me pjesëmarrjen e Papës Françesku.
Për kremtimin e kësaj Jave në Kishën katolike shqiptare, flet, në mikrofonin tonë,
imzot Lucian Avgustini, kryetar i Komisionit për çështjet ekumenike me bashkësitë
e tjera të krishtera:00:07:02:02 Për më shumë
informacion, mund të hapni faqen e internetit në adresën http://www.vatican.va/roman_curia/pontifical_councils/chrstuni/weeks-prayer