Пантыфік сустрэўся з бацькам валанцёркі, якая памерла ўчора ў Таклабане
18 студзеня 2015 г.
папа Францішак сустрэўся ў Апостальскай нунцыятуры ў Маніле з бацькам валанёркі Крыстэль
Падасас, якая загінула ўчора ў Таклабане, калі з-за моцнага парыву ветру, упала на
яе частка рыштаванняў. Раней Святы Айцец спрабаваў таксама патэлефанаваць маці дзяўчыны,
якая працуе ў Ганконгу. “Спатканне доўжылася больш за 20 хвілін. Перакладчыкам быў
арцыбіскуп Манілы, кардынал Луіс Тагле. На стале былі размешчаны дзве фатаграфіі:
маладой Крыстэль і яе здымак з бацькамі. Бацька загінулай сказаў, што быў вельмі ўзрушаны
сустрэчай са Святым Айцом і зараз суцяшэннем для яго з’яўляецца тое, што яго дачка
дапамагала ў арганізацыі сустрэчы з Пантыфікам”, - заявіў айцец Фэдэрыка Ламбардзі,
кіраўнік Залы Друку Апостальскай Сталіцы.
Пра малітву ў інтэнцыі памерлай
валанцёркі папрасіў Папа Францішак удзельнікаў ранішняй сустрэчы з моладдзю, якая
адбылася ва ўніверсітэце св.Тамаша ў Маніле.