Marrëveshje e Vatikanit me Serbinë në fushën e arsimit të lartë
Hynë në fuqi marrëveshja ndërmjet Selisë së Shenjtë e Republikës së Serbisë mbi bashkëpunimin
në fushën e arsimit të lartë. Marrëveshja – njofton Buletini i sallës së shtypit të
Vatikanit – parashikon që palët të favorizojnë bashkëpunimit në sektorin e arsimit
të lartë e të promovojnë kontaktet e drejtpërdrejta ndërmjet institucioneve të kësaj
fushe. Selia e Shenjtë e Serbia, më tej, impenjohen t’i rregullojnë e përshtatin
çështjet që kanë të bëjnë me njohjen e anasjelltë të titujve akademikë e të akteve
publike të diplomave që arrihen në arsimin e lartë. Për zbatimin e marrëveshjes,
dy palët do të nënshkruajnë më vonë protokollet përkatëse, me të cilat do të përcaktohen
aktivitetet konkrete, si dhe kushtet e rregulloret për organizimin dhe financimin
e vënien në jetë të kësaj marrëveshjeje.