Апостальская Сталіца і Сербія будуць супрацоўнічаць ў сферы вышэйшай адукацыі
12 студзеня 2015 г.
набыў моц Дагавор аб супрацоўніцтве ў галіне вышэйшай адукацыі паміж Рэспублікай Сербія
і Святым Пасадам. Дамова, якая была падпісана 27 чэрвеня 2014 г. у Белградзе, прадугледжвае
супрацоўніцтва і кантакты паміж вышэйшымі навучальнымі ўстановамі. Апроч таго, бакі
абавязуюцца ўзгадніць пытанні, якія тычацца ўзаемнага прызнання акадэмічных званняў
і дыпломаў аб атрыманні вышэйшай адукацыі. У рамках дагавора будуць прыняты адпаведныя
дадатковыя пратаколы, якія будуць рэгуляваць арганізацыйныя і фінансавыя пытанні,
гаворыцца ў спецыяльным паведамленні Залы Друку Апостальскай Сталіцы, апублікаваным
15 студзеня 2015 г.