Прадстаўнік Святога Пасаду пра злачынствы Ісламскай Дзяржавы
Ні адна рэлігія не
можа апраўдаць злачынствы, учыненыя Ісламскай Дзяржавай, чарговы раз падкрэсліў кардынал
Жан-Луі Таран, старшыня Папскай рады па міжрэлігійным дыялогу. У інтэрв’ю французскай
каталіцкай газеце “La Croix”, ён нагадаў пра намаганні Апостальскай Сталіцы, каб мусульманскія
лідэры цвёрда і адназначна дыстанцыяваліся ад дзеянняў фундаменталістаў. Ватыканскі
іерарх сказаў, што некаторыя асобы мелі мужнасць зрабіць гэта. Тым не менш, трэба,
каб гэта насіла трывалы характар і было не проста рэакцыяй на абурэнне міжнароднай
супольнасці.
Па словах кардынала Тарана, партнёры па дыялогу, які вядзе Святы
Пасад, ужо бачаць, што злачынствы фундаменталістаў вырастаюць з культуры, у якой мусульмане
ад вельмі маладога ўзросту гуляюць са зброяй, а ў школе даведваюцца, што хрысціяне
гэта няверныя. Такім чынам, сёння асноўны акцэнт павінен быць зроблены на адукацыю
новых пакаленняў.
Іерарах прызнае, што разумее заклапочанасць хрысціян у адносінах
да ісламу. Нагадвае, аднак, што мусульмане, гэта не аднастайная супольнасць і ў адносінах
да іх трэба сцерагчыся недахопу інфармаванасці.