У сваім выбары новых
кардыналаў папа Францішак прытрымліваўся прынцыпу наяўнасці 120 кардыналаў-выбаршчыкаў.
На дадзены момант і ў бліжэйшы час павінны стаць “вакантнымі” 12 месцаў. Святы Айцец,
прызначаючы 15 іерархаў, крыху перавысіўшы неабходную лічбу, але намагаўся трымацца
блізка да яе. Крытэрыем выбару новых кардыналаў была паўсюднасць, адзначыў у сваім
каментары кс. Фэдэрыка Ламбардзі, кіраўнік Залы Друку Апостальскай Сталіцы. Новыя
выбаршчыкі прадстаўляюць 14 розных краін. 6 з іх не мелі ніводнага кардынала на дадзены
момант, або увогуле ў гісторыі, як напрыклад Каба-Вэрдэ, Тонга і М'янма. Разам з прызначынымі
ў кардынальскую Калегію арцыбіскупамі і біскупамі на пенсіі прадстаўлены 18 краін.
Сярод выбаршчыкаў: 5 прадстаўляюць Еўропу; 3 – Азію, 3 – Лацінскую Амерыку; 2 – Афрыку;
2 – Акіянію.
Новыя кардыналы з ЗША і Канады не прызначаліся, таму што колькасць
пурпуратаў у гэтых краінах дастаткова значная і засталася нязменнай з мінулага году,
патлумачыў кс. Ламбардзі. Сярод прадстаўнікоў Рымскай курыі пурпурны берэт атрымае
толькі адзін іерарх – арцыбіскуп Дамінік Мамбэрці, прэфект Найвышэйшага Трыбуналу
Апостальскай Сігнатуры. На гэта ёсць дзве прычыны: па-першае “рымскія” кардыналы складаюць
чацвёртую частку з усіх выбаршчыкаў, а па-другое, Папа лічыць, што менавіта кардыналы
павінны быць прэфектамі Кангрэгацый і іншых, самых важных структур Рымскай курыі,
адзначыў кіраўнік Залы Друку.