Расійскі каталіцкі іерарх пажадаў, каб Папа і Патрыярх сустрэліся ў 2015 г. у Маскве
Сустрэча Патрыярха
Кірыла з папам Францішкам магчымая”, - лічыць арцыбіскуп Паола Пеццы, пастыр архідыяцэзіі
Маці Божай у Маскве. Іерарах пажадаў расійскім католікам і праваслаўным, каб яно адбылося
ў 2015 г. у Расіі. У інтэрв’ю агенцтву “РИА Новости”, старшыня мясцовай Канферэнцыі
Каталіцкіх Біскупаў нагадаў, што ў апошнія гады праваслаўна-каталіцкі дыялог выйшаў
на больш глыбокі ўзровень. “Я думаю, што гэта сустрэча магчымая. Яна магчыма і тут,
у Расіі, і ў Рыме, і ў любым іншым горадзе свету. Мы ўсе выдатна разумеем, што для
гэтага неабходна і пэўная мужнасць, і імкненне пераадолець тыя перашкоды, якія існуюць
паміж двума бакамі”, - заявіў іерарх.
У лістападзе 2014 г. папа Францішак пры
наведванні Стамбула публічна заявіў, што гатовы сустрэцца з кіраўніком Рускай Праваслаўнай
Царквы. У Маскоўскім Патрыярхаце тады растлумачылі, што гэтай гістарычнай сустрэчы
перашкаджаюць дзеянні Украінскай Грэка-каталіцкай Царквы. Арцыбіскуп Пеццы лічыць,
што тут “неабходны больш шчыльны дыялог, у якім кожны мог бы адкрыта распавесці аб
сваіх пазіцыях, поглядах, праблемах”.
Расійскі каталіцкі іерарх адзначыў, што
ў апошнія гады “шчырае жаданне” рухацца да поўных зносін стала “нашмат большым, чым
раней”. Апрача таго, “узрасло і разуменне таго, што наша сведчанне ў гэтым свеце і
грамадстве нашмат мацнейшае, калі мы гэта робім сумесна”. Больш за тое, з’явіліся
больш магчымасцяў ажыццяўляць гэту сумесную дзейнасць. “Ёсць яркае разуменне таго,
што за хрысціянскія каштоўнасці мы можам і павінны змагацца разам “, - падкрэсліў
арцыбіскуп Пеццы.