Maria e paqja në kremtimet e Papës Françesku për vitin e ri.
Sot pasdite, në orën 17.00, Papa Françesku do të kremtojë, në Shën Pjetër, Mbrëmësoret
e Solemnitetit të Nënës së Shenjtnueshme të Zotit e më pas, himnin Te Deum, në shenjë
falënderimi drejtuar Hyjit për vitin 2014. Në përfundim do të shkojë në Sheshin e
Shën Pjetrit për të vizituar Shpellën e Betlehemit. Nesër, 1 janar, në orën 10.00
do të kryesojë Meshën në Bazilikën e Vatikanit, në Ditën e 48-të Botërore të Paqes.
Në orën 12.00, pastaj, nga Pallati Apostolik, lutja e parë e Engjëllit të Tënzot
e vitit 2015. Maria e Paqja janë në qendër të kremtimeve të Papës për vitin e ri
2015, dita e parë e të cilit është Dita e 48 të Paqes, me moton: Kurrë më skllevër,
por vëllezër”.