Papa Françesku: gjurmët e shpërdorimeve mbi të miturit janë si dënesë me zë të lartë
Papa Françesku i shkroi një kartolinë urimi për Krishtlindje Roberto Piazza-s, stilist
i njohur argjentinas, që pati guximin t’i denonconte shpërdorimet seksuale pësuar
që kur ishte fëmijë e, më pas, u angazhua në ndihmë të fëmijëve, viktima të pedofilisë,
duke i dhënë zemër ta vijojë këtë detyrë. “Këto ditë, shkruan në spanjisht Papa
në kartolinën, datuar 17 dhjetor e botuar nga vetë Piazza në profilin e tij Twitter,
u mblodh në këtë shtëpi të Shën Martës komisioni për mbrojtjen e të miturve, që e
themelova në fillim të këtij viti. Puna kryesore është parandalimi i shpërdorimeve
seksuale mbi të miturit. Po punohet mirë. Gjurma që lënë shpërdorimet seksuale mbi
viktimat, janë si dënesë e fortë, me zë të lartë. Ju përgëzoj për punën që bëni në
këtë fushë”. Jorge Mario Bergoglio i përgjigjet, me këtë kartolinë, urimeve të
vetë Piazza-s: “Dje mora kartolinën tënde të 28 nëntorit të kaluar, së bashku me Rruzaren,
librin e cd-në. Shumë faleminderit! Zoti ju shpërbleftë për delikatesën tuaj. Rruzarja
është shumë e bukur. Do ta lexoj librin e do ta shikoj cd-në”. Letra përfundon,
si zakonisht, me një kërkesë: “Mos harroni të luteni për mua”.