Папа: шматдзетныя сем’і з’яўляюцца надзеяй для грамадства
Пра важнасць шматдзетных
сем’яў для грамадскага жыцця і Касцёла,гаварыў папа Францішак 28 снежня 2014 г. падчас
сустрэчы з прадстаўнікамі італьянскай Асацыяцыі шматдзетных сем’яў. Пры гэтай нагодзе
Святы Айцец звярнуўся да ўладаў краіны, каб забяспечылі кожнай сям’і неабходную падтрымку,
таму што ў інтарэсе дзяржавы трэба ў яе інфеставаць. Пантыфік адзначыў, што “ў свеце,
які часта адзначаецца эгаізмам, шматдзетная сям’я з’ўляецца школай салідарнасці
і дзялення: а гэтыя адносіны з’яўляюцца дабром для ўсяго грамадства”.
Святы
Айцец параўнаў шматдзетныя сем’і да добрай садавіны, якой добрымі каранямі з’яўляюцца
бабулі і дзядулі, за тое чалавечую сям’ю да лесу, у якім добрыя дрэвы прыносяць плёны
салідарнасць, адзінства, даверу, падтрымкі, бяспекі і шчаслівай стрыманасці. “Прысутнасць
вялікіх сем’яў з’яўляецца надзеяй для грамадства “, -сказаў Францішак. У гэтым кантэксце,
ён падкрэсліў ролю бабуль і дзядуляў, асабліва іх падтрымку ў сферы адукацыі. “Бабулі
і дзядулі ахоўваць у сабе каштоўнасці нацыі, сям'і, і дапамагаюць бацькам перадаваць
іх сваім дзецям”, - сказаў Пантыфік.
Святы Айцец са смуткам падкрэсліў, што
дзяржаўныя ўстановы не заўсёды дапамагаюць сем’ям ў пераадольванні цяжкасцяў. Таму
ён заклікаў ўлады ўсіх узроўняў, каб забяспечвалі адэкватную падтрымку ўсім сем’ям
Італіі. “Кожная сям’я з’яўляецца ячэйкай грамадства, але вялікая сям’я з'яўляецца
ячэйкай больш багацейшай, больш яркай і таму ў інтарэсе дзяржавы ляжыць тое, каб інвестваць
у яе”, - падкрэсліў Папа і запэўніў аб сваёй спецыяльнай малітве за сем’і найбольш
кранутыя эканамічным крызісам, а таксама за тыя, у якіх бацькі страцілі свае працоўныя
месцы, а маладыя людзі не могуць знайсці іх.