Në këtë të dielë të parë pas Krishtlindjes, Kisha na fton të kremtojmë festën e Familjes
Shenjte të Nazaretit. Zoti deshi të lindë në një familje njerëzore, deshi të kishte
një nënë e një babë, ashtu si ne. Nesër, 29 dhjetor, Kisha Katolike kremton
festën liturgjike të shën Davidit e të shën Tomas Beketit. Të martën, 30 dhjetor,
përkujtojmë shën Feliçin I, papë e shën Xhokondon. Më 31 dhjetor, nata e Vitit
të Ri, i këndojmë lavdi Zotit në qiell e galdojmë në tokë, duke e falenderuar
Hyjin e Gjithpushtetshëm me anë të “Te Deum”-it. Është festa liturgjike e shën Silvestrit
I, papë. Më 1 janar, Solemniteti i Nënës së Zotit, është edhe Dita Botërore
kushtuar Paqes. Papa Françesku e ka bërë tashmë të ditur mesazhin e tij, ku tregon
udhën e vëllazërimit si themel e bazë për paqen. Të premten, më 2 janar,
Kisha kremton festën liturgjike të shën Bazilit të Madh e të shën Gregor Nazianxenit,
ipeshkvij e dijetarë, që kanë lënë gjurmë të thella në historinë e krishterimit. Të
shtunën, 3 janar, kremtojmë Emrin e Shenjtë të Jezusit. Të dielën, 4 janar,
e dyta diele pas Krishtlindjes, të krishterët kujtojnë edhe shën Anxhelën nga Folinjo.