Папа да супрацоўнікаў Ватыкану: няхай Божае Нараджэнне не будзе нагодай для бескарыслівых
падарункаў
Няхай святы Божага
Нараджэння ніколі не будуць святам спажывецтва і безкарыслівых падарункаў, але святам
радасці, каб прывітаць Пана ў яслях і ў сваіх сэрцах, пажадаў папа Францішак супрацоўнікам
Апостальскай Сталіцы і Губернатарата, з якімі сустрэўся 22 снежня 2014 г. ў зале Паўла
VI. У сваёй прамове Пантыфік заклікаў, каб святы Калядаў сталі для іх“сапраўднай нагодай”
залечыць усе свае раны,. Акрамя таго Святы Айцец запрасіў іх, каб выконвалі сваю працу
“з энтузіязмам, з пакорай, з кампетэнтнасцю і з запалам душы”, якая ведае як дзякаваць
Пану. “Пазбягайце зайздрасці, юрлівасці, нянавісці і адмоўных пачуццяў, якія знішчаюць
ваш унутраны спакой”, - сказаў Святы Айцец.
Пантыфік нагадаў, што сапраўднае
свята Калядаў – гэта свята беднасці Бога, Які прыняў постаць слугі, каб служыць іншым;
Бога, які скрыты ў мудрых і разумных, які адкрыў сябе перад маленькімі, простымі і
беднымі гэтага свету. “Які не для таго прыйшоў, каб Яму служылі, але каб служыць і
аддаць жыццё сваё для адкуплення многіх”, - сказаў Папа.
Але свята Божага Нараджэння,
паводле Пантыфіка, гэта, перад усім, свята спакою, якое прынёс Езус на зямлю. “Спакою,
пра які мы павінны клапаціцца з энтузіязмам, каб сагрэць ледзяныя сэрцы іншых, каб
заахвоціць душы, якія страцілі давер і асвятліць маркотныя вочы святлом аблічча Езуса”,
- сказаў папа да працоўнікаў Ватыкану. Затым папрасіў прабачэння за свае і сваіх супрацоўнікаў
памылкі і за “скандалы”, якія як ён сказаў – “вельмі баляць”.