Папа прызначыў новых камерленга і віцэ-камерленга Святога Рымскага Касцёла
20 снежня 2014 г.
папа Францішак прызначыў камерленга Святога Рымскага Касцёла кардынала Жана-Луі Тарана,
старшыню Папскай рады па міжрэлігійным дыялогу. На пасаду віцэ-камерленга быў прызначаны
арцыбіскуп Джампьера Глодэр, кіраўнік Папскай Касцёльнай Акадэміі – установы ў якой
праходзяць падрыхтоўку будучыя дыпламаты Апостальскай Сталіцы. Новапрызначаныя іерархі
замянілі на пасадах камерленга і віцэ-камерленга кардынала Тарчызіа Бэртонэ і арцыбіскупа
Пьера Луіджы Чэлата.
Камерленга Святога Рымскага Касцёла здзяйсняе важныя функцыі
падчас вакантнасці Пасаду св. Пятра. У яго абавязкі ўваходзіць пацвярджэнне смерці
Папы і запячатанне папскіх апартаментаў да часу абрання новага Пантыфіка. Акрамя таго,
ён нясе адказнасць за падрыхтоўку пахавання. У звычайны перыяд кардынал камерленга
кіруе маёмасцю Касцёла, калі Пантыфік знаходзіцца ў падарожжах. Віцэ-камерленга з’яўзляецца
яго бліжэйшым паплечнікам.