Papa për CONI-n: sporti hap udhë paqeje, i shtëpisë në Kishë
Papa Françesku priti sot në Vatikan drejtuesit dhe atletët e Komitetit Olimpik Kombëtar
Italian (CONI), i cili këtë vit feston 100-vjetorin e themelimit. “Gjithmonë, sporti
ka favorizuar universalizmin e karakterizuar nga vëllazërimi dhe miqësia ndërmjet
popujve, nga pajtimi e paqja ndërmjet kombeve, nga respekti, toleranca, harmonia dhe
larmia”, u tha sportistëve Ati i Shenjtë. “Çdo ngjarje sportive, sidomos olimpike,
ku vendosen ballë për ballë përfaqësues të kombeve me histori, kulturë, tradita, fe
e vlera të ndryshme, mund të bëhet ndërmjetëse e një force ideale, të aftë të hapë
rrugë të reja, shpesh të pamenduara, në kapërcimin e konflikteve të shkaktuara nga
dhunimi i të drejtave të njeriut”. Në fund, duke i uruar Komitetit që Roma të zgjidhet
si vend për Olimpiadën e vitit 2024, u tha të gjithëve, me të qeshur: “Unë nuk
do të jem, eh! Zoti ju bekoftë ju e familjet tuaja. Mos harroni të luteni për mua.
Gëzuar Krishtlindjen!”.