Святы Айцец зацвердзіў канчатковы склад Камісіі па абароне непаўналетніх
Папа прызначыў новых
членаў ватыканскай Камісіі па абароне непаўналетніх і, такім чынам, зацвердзіў яе
канчатковы склад. У яе ўвайшлі 17 асоб, якія прадстаўляюць усе кантыненты, на чале
са старшынёй, кардыналам Шонам Патрыкам О’Мэлі з ЗША. Як заяўлялася раней, мэта такой
шырокай геаграфііі – у забеспячэнні прадстаўніцтва розных сітуацый і культур. Трэба
адзначыць, што ў склад новага ватыканскага органу не ўвайшлі асобы з Усходняй Еўропы,
Цэнтральную прадстаўляе полька, прафесар Ганна Сухоцка, якая раней была прэм’ер-міністрам
Польшчы і паслом Рэспублікі ў Ватыкане. Членамі Камісіі сталі як духоўныя, так і свецкія
асобы з ЗША, Калумбіі, Францыі, Ірландыі, Філіпін, Вялікабрытаніі, Новай Зеландыі,
Замбіі, Паўднёва-Афрыканскай Рэспублікі, Аўстраліі, Італіі, Аргентыны і Германіі.
Наступнае пленарнае пасяджэнне Камісіі па абароне непаўналетніх адбудзецца ў Ватыкане
6-8 лютага 2015 г.