Агульная аўдыенцыя
17 снежня стала 43-й і апошняй у 2014 г. для папы Францішка. Прэфектура Папскага Дому
распаўсюдзіла сёлета каля 1,2 млн. уваходных квіткоў для ўдзелу ў серадовых спатканнях
з Пантыфікам. Да гэтай лічбы трэба дадаць вернікаў, якія спантанна прымалі ўдзел у
іх, знаходзячыся на плошчы св. Пятра і за яе межамі. Самым шматлікім у 2014 г. стаў
красавік, які сабраў на агульных аўдыенцыях разам 205 тыс. вернікаў. Жнівеньскія сустрэчы
сталі самымі малаколькаснымі, на іх прыйшло 25 тыс. асоб. У сярэднім на спатканні
са Святым Айцом кожную сераду збіралася каля 30 тыс. чалавек. Трэба адзначыць, што
аўдыенцыі з удзелам Францішка за няпоўны 2013 г., бо першая пасля яго абрання прайшла
27 сакавіка, сабралі больш за 1,5 млн. вернікаў. Для параўнання, серадовыя сустрэчы
з удзелам Бэнэдыкта XVI у 2012 г. наведала каля 500 тыс. асоб.
Папа Францішак
правёў падчас свайго пантыфікату ўжо 73 агульных аўдыенцыі.