Të premten ndizen dritat e Pemës së Krishtlindjes e ndriçimi ri i kupolës së Bazilikës
së Vatikanit
Të premten e ardhshme pasdite do të ndizen dritat e reja të kupolës e fasadës së bazilikës
së Shën Pjetrit në Vatikan, menjëherë pas përurimit të Shpellës së Betlehemit të Krishtlindjes
– dhuruar Papa Françeskut – nga Arena e Veronës e Rajoni i Kalabrisë – në program
në ora 16.30 në Sheshin e Shën Pjetrit në Vatikan në rreth obeliskut. Ndriçimi ri
me 315 drita led do të nxjerrë më mirë në pah strukturën arkitektonike dhe ngjyrat
e bazilikës papnore e të kupolës mikelanxholeske. Teknika e re e sistemit të ndriçimit,
përveç që do të ofrojë shkëlqimin e monumentit në një dritë të re, do të mundësojë
edhe uljen e konsumit të energjisë elektrike deri në 70%, e tërheq vëmendjen te rëndësia
e kursimit energjetik që respekton mjedisin.