15 снежня 2014 г.
Святы Айцец сустрэўся ў Ватыкане з Драганам Човічам, харвацкім членам Калегіяльнага
Прэзідыума Босніі і Герцагавіны. Пасля папскай аўдыенцыі палітыка прыняў кардынал
Дзяржсакратар Пьетра Паралін. Падчас сардэчных размоў увага была засяроджана на сітуацыі
ў краіне, з асаблівым акцэнтам на дзейнасць Каталіцкага Касцёла. Было выказана задавальненне
з нагоды добрых двухбаковых адносін, а таксама абмеркаваны некаторыя пытанні ў сувязі
з ужываннем базавага пагаднення 2006 года, якое рэгулюе ўзаемаадносіны і супрацоўніцтва
паміж Касцёлам і дзяржавай. Былі таксама разгледжаны розныя тэмы, звязаныя з рэгіянальнай
і міжнароднай палітыкай.