Janë pesë, veprat e reja të Papës Françesku, që dolën nga Shtëpia Botuese e Vatikanit,
për t’u dukur në vitrinat e librarive: “Mesazhi i shpresës e i bashkimit”; “Letra
apostolike drejtuar gjithë rregulltarëve me rastin e Vitit të Jetës së Përkushtuar”;
“Homelitë e mëngjesit 4”; “Mëshira ta ndryshon zemrën”; “Në fe e në dashuri”.
“Mesazhi
i shpresës e i bashkimit” përmbledh fjalimet e mbajtura nga Papa në Parlamentin
evropian dhe në Këshillin e Evropës, gjatë vizitës së tij në Strasburg, më 25 nëntorin
e kaluar. Përfundon me konferencën e shtypit, mbajtur në avion, gjatë fluturimit drejt
Romës.
Botimi i Letrës apostolike drejtuar gjithë rregulltarëve
me rastin e Vitit të Jetës së Përkushtuar, veç Letrës së Papës, përfshin edhe
Mesazhin e tij për fillimin e Vitit, më 30 nëntorin e kaluar si dhe Dekretin e Pendestarisë
Apostolike “me të cilin vendoset vepra që duhet kryer për të marrë dhuratën e ndjesëve,
me rastin e Vitit të Jetës së Përkushtuar”. “Homelitë e mëngjesit
4” përmbledhfjalët e shqiptuara nga Françesku, duke komentuar Leximet
e Ungjillit gjatë Meshëve të kremtuara mëngjeseve, në orën 7, në Kapelën e Domus
Sanctae Marthae, në Vatikan, në periudhën që shkon nga 7 korriku deri më 27 nëntor
2014, ashtu siç dalin çdo ditë në gazetën vatikanase “L’Osservatore Romano”.
“Mëshira
ta ndryshon zemrën” përmbanfjalët e Papës nga lutja e Engjëllit të Tënzot
të së dielës, 6 korrik 2014, në audiencën e përgjithshme të së mërkurës, 26 nëntor.
Gjithsejt janë 38 tekste, ndërmjet të cilave, katekizmi i audiencave pas shtegtimeve
apostolike në Kore e në Shqipëri, cikli i katekizmave kushtuar Kishës, Engjëlli
i Tënzot në Solemnitetin e Gjithë Shenjtorëve dhe në përkujtimin e gjithë besimtarëve
të vdekur.
“Në fe e në dashuri” përfshin fjalimet e Papës gjatë shtegtimit
të tij apostolik në Turqi (Ankara e Stamboll), më 28 deri më 30 nëntorin e kaluar.
Nis me përshëndetjen drejtuar gazetarëve në konferencën e shtypit gjatë fluturimit
Romë-Ankara, për të përfunduar me atë të kthimit, duke pëfshirë, ndërmjet këtyre dy
konferencave, takimet me autoritetet turke, vizitën tek kryetari i Departamentit për
punët fetare, Meshën në katedralen katolike të Shpirtit Shenjt në Stamboll, lutjen
ekumenike, liturgjinë hyjnore dhe deklaratën e përbashkët me Patrikun ekumenik Bartolomeun. Tre
vëllimet e fundit bëjnë pjesë në kolanën “Fjalët e Papës Françesku”, me njëmbëdhjetë
tituj të tjerë: “Ju kërkoj të luteni për mua”; “Mos lejoni t’jua rrëmbejnë shpresën”;
“Gëzimi i ungjillëzimit”; “Është gjë e bukur për ne të jemi këtu”; “Homelitë e mëngjesit
1”, “Përshkojmë rrugët e paqes”, “Homelitë e mëngjesit 2”, “Jezusi na pret gjithnjë”,
“Tek burimet e fesë” dhe “T’i hapim zemrat!”.