Լեհաստանի ազգային ժողովը 2015-ը հռչակած է ՅՊԲ-ի տարի։
(Ռ.Վ.13 դեկտեմբեր 2014) Լեհաստանի ազգային ժողովը որոշած է 2015 տարին
նուիրել սուրբ Յովհաննէս Պօղոս Բ Քահանայապետին։ Անոր մահուան 10-րդ տարելիցին ու անոր
սրբադասման առաջին տարեդարձին առթիւ։ Լեհերը այս նախաձեռնութեամբ կ՛ուզեն պատուել անոր
յիշատակը։ Ազգային ժողովը 5 Դեկտեմբերին այդ ուղղութեամբ քուէարկած է։ Խորհրդարանին
389 անդամները այո քուէարկած են, չորսը ոչ` եւ 5ը` ձեռնպահ։ Լեհաստանի ազգային ժողովի
ադամները այս որոշումով ուզած են պատուել իրենց մեծ հայրենակիցը, որ մեծապէս նպաստած
է համայնավարութեան փլուզումին եւ ազատ Լեհաստանի վերածնունդին ու անկախութեան։ Այդ քուէարկութեամբ
նոյնպէս ուզած են ողջունել անոր տածած աշխատանքը մարդու իրաւունքին ու արժանաւորութեան
ի խնդիր։