У Ватыкане абвясцілі кансісторый па ўзвядзенні новых кардыналаў
11 снежня 2014 г.
у Ватыкане завяршылася трохдзённае пасяджэнне Рады кардыналаў па дапамозе Святому
Айцу ў кіраванні Касцёлам і распрацоўцы праекту рэформы Рымскай курыі. Падчас яго
быў абмеркаваны шэраг пытанняў адносна будучыні ватыканскіх дыкастэрыі, фінансавага
стану структур Апостальскай Сталіцы і бліжэйшых падзей у жыцці Касцёла. Галоўнай тэмай
пасяджэння была рэформа Рымскай курыі, паінфармаваў кіраўнік Залы Друку, кс. Фэдэрыка
Ламбардзі. Кардыналы пазнаёміліся з заўвагамі і каментарамі кіраўнікоў ватыканскіх
дыкастэрый на гэту тэму. Гаворка ішла галоўным чынам пра рэарганізацыю Папскіх радаў
вакол двух галоўных тэм: свецкіх і сям’і з аднаго боку, і справядлівасці, міру і дабрачыннасці
з іншага. Кс. Ламбардзі падкрэсліў, што ніякіх “фармальных рашэнняў” не прымалася.
Члены
Рады кардыналаў таксама пазнаёміліся з сітуацыяй адносна Папскай камісіі па абароне
непаўналетніх. Былі вызначаны чарговыя кандыдаты на членства ў гэтай структуры, з
мэтай канчатковага фарміравання яе складу да пачатку лютага 2015 г.
Кардыналы
пазнаёміліся з парадамі і прапановамі прафесара Джозэфа Дзары, віцэ-каардынатара Рады
па эканамічных пытаннях, адносна далейшай працы эканамічных і фінансавых структур
Апостальскай Сталіцы.
Наступнае пасяджэнне Рады кардыналаў адбудзецца 9-11
лютага 2015 г. У сваю чаргу, 12-13 лютага прадугледжана скліканне кансісторыя, падчас
якога члены Рады пазнаёмяць Калегію кардыналаў з плёнамі сваёй дзейнасці і праектамі
рэформы структур Рымскай курыі.
Кс. Ламбардзі паінфармаваў, што 14-15 лютага
2015 г. пройдзе кансісторый па ўзвядзенні ў кардынальскую годнасць некаторых іерархаў.