Пра важнасць душпастырства
моладзі нагадаў папа Францішак 11 снежня 2014 г. у сваім пасланні да ўдзельнікаў IV
Еўрапейскай сустрэчы моладзевых душпастыраў, якая пачалася ў Рыме па ініцыятыве Папскай
рады па справах свецкіх і Рады Біскупскіх Канферэнцый Еўропы. Святы Айцец нагадаў,
што гэта сферы дзейнасці Касцёла, павінна быць нечым большым за простую арганізацыю
рознай дзейнасці для юнакоў і дзяўчат: яна павінна характарызавацца прысутнасцю побач
з імі – суправаджэннем у складаных і часам цяжкіх кантэкстах, у якія яны пагружаны.
Каб несці Хрыста ў жыццё моладзі неабходна весці дыялог з ёй, але “сапраўдны дыялог
у такім сэнсе можа весці той, хто жыве асабістымі адносінамі з Панам Езусам”, заўважыў
Папа.
Францішак заклікаў моладзевых душпастыраў ствараць “сетку” знаёмстваў
і сяброўства на еўрапейскім узроўні і дзяліцца досведам працы паміж сабой. “Мы добра
ведаем, што зрабіць трэба шмат. Прашу вас ніколі не стамляцца абвяшчаць Евангелле,
жыццём і словам: сённяшняя Еўропа патрабуе новага знаёмства з ім”, - адзначыў Пантыфік.
На
думку Святога Айца, юнакі і дзяўчаты павінны ўсведамляць, што вера і розум не супрацьлеглыя
адно аднаму, станавіцца сведкамі Евангелля сярод сваіх аднагодак. Акрамя таго, Францішак
падкрэсліў, што душпастырства паклікана прапанаваць моладзі шлях распазнання паклікання
і падрыхтоўкі да наследвання Езуса ў сужэнскім і сямейным жыцці, або ў асаблівым прысвячэнні
сябе служэнню Божаму Валадарству.