Papa të rinjve: Evropa e sotme ka nevojë për Ungjillin
Të rinjtë janë protagonistë gazmorë të ungjillëzimit për bashkëmoshatarët. Kështu
shkruan Papa sot në një mesazh, drejtuar Kuvëndimit IV evropian të baritorisë rinore,
me temë: “Një Kishë e re, dëshmitare e gëzimit të Ungjillit. Së bashku nëpër rrugët
e Evropës”.Takimi, organizuar nga dikasteri papnor për laikët dhe nga Këshilli i
Konferencave Ipeshkvnore të Evropës (Ccee) u hap sot, në Romë, për t’u mbyllur të
shtunën e ardhshme. Në mesazhin e tij, drejtuar kardinalit Stanislao Rilko, kryetar
i Këshillit Papnor për Laikët, Papa pohon me forcë se Evropa e sotme ka nevojë për
Ungjillin!