Апублікаваны Падрыхтоўчы дакумент наступнага Сінода Біскупаў
Заключная справаздача
Сінода Біскупаў (Relatio Synodi) з кастрычніцкай ІІІ надзвычайнай асамблеі і анкета,
якая складаецца з 46 падрабязных пытанняў на тэму яе зместу, складаюць Падрыхтоўчы
дакумент (Lineamenta) наступнага Сінода Біскупаў, які пройдзе ў Ватыкане восенню 2015
г. Апытальнік адкрывае ўступнае пытанне аб тым, ці “апісанне рэальнасці сям’і, якое
змяшчаецца ў Заключнай справаздачы адпавядае таму, што заўважаецца ў сённяшнім Касцёле
і грамадстве”, і якія яшчэ аспекты маглі б быць уключаны ў яе. 46 пытанняў падзелены
на тры часткі, адпаведна структуры зместу “Relatio Synodi”.
“Lineamenta”,
апублікаваныя 9 снежня 2014 г. па-італьянску, былі ў перакладзе на іншыя мовы разасланы
епіскапатам ва ўсім свеце, сінодам Усходніх Каталіцкіх Цэркваў, канферэнцыям вышэйшых
настаяцеляў манаскіх супольнасцяў і дыкастэрыям Рымскай курыі. Яны павінны дапамагчы
абраць адпаведныя спосабы прыняцця і паглыблення Заключнай справаздачы для правядзення
“шырокай кансультацыі на тэму сям’і згодна з напрамкамі і духам сінадальнага працэсу”,
заявіў генеральны сакратар Сінода Біскупаў, кардынал Ларэнцы Балдзісэры.
Вынікі
апытання павінны быць накіраваны ў Генеральны сакратарыят Сінода да 15 красавіка 2015
г., каб яны маглі быць выкарыстаны для падрыхтоўкі “Instrumentum Laboris”, якое плануецца
апублікаваць да лета 2015 г.