3 ഡിസംബര് 2014, വത്തിക്കാന് ബിഷപ്പ് പീറ്റര് സെലസ്റ്റിന് എലമ്പശ്ശേരി സ്ഥാനത്യാഗംചെയ്തു,
ജമ്മു-കാശ്മീരിന് പാപ്പാ ഫ്രാന്സിസ് പുതിയ മെത്രാനെ നിയോഗിച്ചു.
ജമ്മു-കാശ്മീര്
സഭാപ്രവിശ്യയുടെ വിദ്യാഭ്യാസ പ്രവര്ത്തനങ്ങള്ക്ക് നേതൃത്വം വഹിച്ചിരുന്ന ഫാദര് ഐവാന്
പെരേരയെയാണ് പാപ്പാ ഫ്രാന്സിസ് പുതിയ മെത്രാനായി നിയോഗിച്ചത്.
ബിഷപ്പ് എലമ്പശ്ശേരി
സഭാഭരണത്തിന്റെ പ്രായപരിധിയെത്തി സമര്പ്പിച്ച സ്ഥാനത്യാഗം പാപ്പാ ഫ്രാന്സിസ് അംഗീകരിച്ചതിനെ
തുടര്ന്നാണ്, ഡിസംബര് 3-ാം തിയതി ബുധനാഴ്ച രാവിലെ വത്തിക്കാനില്നിന്നും പുതിയ നിയമനമുണ്ടായത്.
50 വയസ്സ് പ്രായമുള്ള നിയുക്തമെത്രാന് ഫാദര് ഐവാന് പെരേരാ, മൂമ്പൈ സ്വദേശിയാണ്.
1993-ല് പൗരോഹിത്യം സ്വീകരിച്ചതു മുതല് ജമ്മു-കാഷ്മീര് രൂപതയുടെ വിവിധ മേഖലകളില്
- മിഷനിലും, ഇടവകകളിലും, സ്ഥാപനങ്ങളിലുമായി ശുശ്രൂഷചെയ്ത പരിചയ സമ്പത്തുമായിട്ടാണ് ഫാദര്
പെരേരാ അജപാലന നേതൃസ്ഥാനത്തേയ്ക്ക് കടന്നുവരുന്നതെന്ന് രൂപതാ വക്താവ് ശ്രീനഗറില് നല്കിയ
വാര്ത്താ സമ്മേളനത്തില് അറിയിച്ചു.