500 гадоў пасля візіту
свайго “заснавальніка” у Вечны горад, 14-18 снежня 2014 г. у Рым прыбудзе дэлегацыя
Аб’яднанай Лютэранскай Царквы Германіі. У праграме – прыватная аўдыенцыя з папам Францішкам,
сустрэча са старшынёй Папскай рады спрыяння хрысціянскаму адзінству, кардыналам Куртам
Кохам, і прэфектам Кангрэгацыі Веравучэння, кардыналам Герхардам Людвігам Мюлерам,
паведамілі нямецкія лютэране 2 снежня ў Гановеры.
Нагодай для візіту, у адпаведнасці
з інфармацыяй, стане падвядзенне вынікаў завершанага некалькі дзён таму экуменічнага
праекту “2017 – разам на шляху”. Праект накіраваны на азнаямленне грамадскасці з сумесным
дакументам Сусветнай лютэранскай федэрацыі і Папскай рады спрыяння хрысціянскаму адзінству
з 2013 г., азагалоўленым: “Ад канфлікту да супольнасці”.
У дыскусіі, якая пройдзе
18 снежня 2014 г. у Рыме, на тэму: “Як мы можам разам адзначыць 2017 год як свята
Хрыста?”, прымуць удзел лютэранскія і каталіцкія іерархі.
Аб’яднананая Лютэранская
Царква Германіі налічвае 9,5 мільёнаў вернікаў. Яе ўзначальвае епіскап Шверыну Герхард
Ульрых.
Стваральнік Рэфармацыі Марцін Лютэр прыйшоў у Вечны горад, верагодна,
у 1511 г., калі быў яшчэ каталіцкім законнікам. Пра яго знаходжанне не захавалася
ніякай інфармацыі. Таксама нявызначанай застаецца дата яго падарожжа. Да гэтага часу
лічылася, што гэта былі чатыры тыдні ў канцы снежня 1510 г. і пачатку студзеня 1511
г. Аднак, нядаўнія даследаванні паказалі, што Лютэр быў у Рыме на год пазней.