Papa liderëve të krishterë e myslimanë: dialogu është udha e paqes
Pak para se të niste audiencën e përgjithshme, Papa Françesku ishte në Sallën Palit
VI. Aty shkëmbeu një përshëndetje të shkurtër me tridhjetë pjesëmarrësit në takimin
e rangut të lartë të Liderëve të krishterë e myslimanë. Ja edhe fjalët e Papës: “Ju uroj mirëseardhjen
e ju falënderoj që erdhët për këtë vizitë: më pëlqen shumë. Kjo ndihmon për ta bërë
më të fortë vëllazërimin tonë. Ju falënderoj edhe për punën tuaj, për përpjekjet që
të mirëkuptohemi sa më shumë e, posaçërisht, për paqen. Kjo është udha e paqes: dialogu!
Shumë faleminderit! Ju falënderoj shumë!”. Edhe gjatë katekizmit të audiencës
së përgjithshme, Papa i foli turmës për këtë takim të shkurtër me krerët myslimanë,
duke shtuar:“Edhe ata e shprehën këtë dëshirë: të vijojmë ecjen përpara në rrugën
e dialogut vëllazëror ndërmjet katolikëve, kristianëve e islamikëve”.