ԱՄՆ-ն խորապէս մտահոգուած է Ատրպէյճանի մէջ մարդու իրաւունքներու վիճակով
Միացեալ Նահանգները խորապէս մտահոգուած է Ատրպէյճանի մէջ քաղաքացիական հասարակութեան
գործունէութեան նկատմամբ վերջերս ձեռնարկուող սահմանափակումներու առնչութեամբ: Այդ մասին՝
ըստ Tert.am-ի՝ յայտարարած է ԱՄՆ ԱԳՆ մամլոյ խօսնակ Ճեն Փսակին լրագրողներու հետ հերթական
ճեպազրոյցի ընթացքին: “Մենք աւելի ու աւելի կը մտահոգուինք, որ Ատրպէյճանի կառավարութիւնը
չի հետեւիր մարդու իրաւունքներու վերաբերեալ իր միջազգային յանձնառութիւններուն եւ պարտաւորութիւններուն:
Մենք կոչ կ՛ընենք կառավարութեան յարգելու իր քաղաքացիներուն իրաւունքները եւ թոյլ տալ
անոնց արտայայտել իրենց տեսակէտները”,- ճեպազրոյցի ժամանակ յայտարարած է Փսակին: Ան
նշած է, որ Ատչպէյճանը, ունենալով աւելի բաց հասարակութիւն, պիտի կարենայ ապահովել իր
ապագայ կայունութիւնը եւ բարգաւաճումը: Փսակին ընդգծած է, որ Միացեալ Նահանգներ արտայայտած
է այս դիրքորոշումը նաեւ Ատրպէյճանի պաշտօնեաներուն: Նշենք, որ վերջին շրջանին Ատրպէյճանի
մէջ յաճախի դարձած են իրաւապաշտպաններու, քաղաքական գործիչներու նկատմամբ ճնշումները: