Кс. Ламбардзі: Папа нагадаў пра важнасць адарацыі для хрысціян і мусульман
Падчас наведвання
мячэці Султанахмет Папа не проста памаліўся, але правёў некалькі хвілін у адарацыі
Пана, падкрэсліў кіраўнік Залы Друку Апостальскай Сталіцы кс. Фэдэрыка Ламбардзі.
Ён заўважыў, што наведванне старажытнай мусульманскай святыні насіла не толькі культурны,
але таксама і духоўны характар. Падчас размовы з вялікім муфтыем Стамбула Рахмі Яранам,
Папа некалькі разоў закрануў пытанне аб важнасці адарацыі Бога, да якой павінны прыбягаць
як хрысціяне, так і мусульмане. “Не толькі хваліць і праслаўляць, але таксама і адараваць”,
сказаў Францішак. Кс. Ламбардзі назваў наведванне “Блакітнай мячэці” у Стамбуле кульмінацыяй
міжрэлігійнай часткі падарожжа папы Францішка ў Турцыю.